Komdu öflugum þjónustuvef í loftið á nokkrum vikum
Grunnur einfaldar uppsetningu þjónustuvefja með tilbúnum tengingum og stöðluðum einingum. Þannig getur Norda sett upp öflugan þjónustuvef fyrir viðskiptavini á örfáum vikum án þess að byrja frá grunni í hvert skipti.
- Hlutverk
- Hugbúnaðarlausn
- Viðskiptavinur
- Grunnur
- Ár
- 2024
Minni sérsmíði og meiri skilvirkni
Sem skýjalausn býður Grunnur upp á tilbúnar einingar auk fjölbreyttra auðkenningarleiða og innbyggðrar notendastýringar með sérsniðnum aðgangsréttindum. Tengingar eru tilbúnar við helstu bókhalds- og viðskiptakerfi en einnig er einfalt að tengjast við öðrum kerfum ásamt vöruhúsum gagna. Þessir þættir draga gríðarlega úr kostnaði og tíma við innleiðingu þar sem ekki er þörf á sérsmíði þeirra grunnþátta sem allir þjónustuvefir þurfa á að halda.
Með Grunni geta fyrirtæki boðið viðskiptavinum sínum upp á notendavænan vettvang með greiðum aðgangi að reikningum, hreyfingayfirlitum, samningum og öðrum gögnum á mun hagkvæmari hátt en þegar þjónustuvefir eru smíðaðir frá grunni.
Hvað segja viðskiptavinir?
Það var ferskur blær að fá upp þjónustugátt á örskotsstundu í stað þess að þurfa að fara í víðtækt þróunarferli. Með Grunni vorum við komin með nýjan og notendavænan þjónustuvef á mikið styttri tíma en við þorðum að vona.
Hildur Emilsdóttir
verkefnastjóri stefnumótunar og umbóta hjá Terra